ده موضوع قديم كتبه الفنان احمد السقا

إزيكم يا شباب.. قلب ينبض

. وحشتوني جدا قلب ينبض

انا قلت اسلم عليكم و بالمرة احكيلكم على زيارتي لستار أكادمي اللي كانت بالصدفة..
انا رحت بيروت مع سامي و العدل و خالد حماد في أجارة.. و فكرنا إننا نروح ستار أكادمي عشان نبارك لمحمد عطية الشاب المصري اللي فاز في ستار أكادمي.. و أنا على فكرة كنت زيكم بالظبط بتفرج و بشجع مصر ... و دة اللي خلاني اروح عشان أقول لمحمد و لكل باقي المجموعة ألف مبروك.. لكن المهم أنهم يركزوا في الفترة اللي جاية لأنها أصعب بكتير من الفترة اللي فاتت.. خصوصا بالنسبة لعطية اللي فاز في المسابقة دي و أنا أتمنى لة مستقبل كبير جدا.. و على فكرة عطية دة شاب لذيذ جدا ... مش بس كدة المجموعة اللي هناك كلهم كانوا كويسين جدا و نتمنى اننا نشوفهم نجوم كبار بأعمالهم إنشاء الله.
انا بس الحاجة الوحيدة اللي كانت مزعلاني ان الصراع على مين يكسب كان عنيف شوية لدرجة اني سمعت ان فيه ناس كانوا بيغلطوا في بعض من البلاد العربية المختلفة لمجرد تشجيع شخص معين!! ده العيب الوحيد اللي كان في الموضوع... أنا أكيد كنت بشجع مصر "عطية" لكن أحب أقلكم ان معظم المجموعة خصوصا في المنافسات الاخيرة كانوا كويسين و أعتقد أن فيه منهم ناس هيكونوا نجوم كبار في مجالات مختلفة و منهم "احمد اللي من تونس" و بها و سمية و بشار طبعا دة كان هايل.. الأهم من كل دة ان الحرب الكلامية عن طريق الماسيدجات على المحطات دي كانت غريبة لأني شفت بعيني علاقة حب هايلة بين كل المجموعة دي بغض النظر ان عطية كسب أو العكس... الشباب كلهم بيحبوا بعض و كان لازم الناس كلها تكون كدة ... أول ما عملت الزيارة دي جري عطية يكلم بشار عشان يفرحوا و يديني التليفون عشان اكلمة.. و هي دي الروح اللي إحنا عاوزنها بين كل الناس في الوطن العربي.
يارب نشوف كل مجتهد نجم قريب جدا و اتمنى التوفيق لعطية و لكل المجموعة.
و انا هطلب من إيجي فيلم يحطوا الصور اللي أخدوها هناك في بيروت.
اتمنى اني ماكنش طولت عليكم بس انتم فعلا كنتم وحشني و انا قلت اهي فرصة أحكيلكم عن الزيارة دي.
كل سنة و انتم طيبين
واتمنى ان ينال اعجابكم

مشكورة جدا

على هذا الموضوع

شكراااااااااااااااجدا ابو الهو ل

موضوع رائع جدااااااااااااا توزازن